Il-Laboratorju għas-Servizzi Agrikoli, li jinsab fil-Hub tal-Agrikoltura għar-Riċerka u l-Innovazzjoni fl-Għammieri (il-Marsa), twaqqaf aktar minn 40 sena ilu biex joffri servizz għall-komunità tal-bdiewa. Fl-2020-2021, il-laboratorju ġie ristrutturat sabiex itejjeb is-servizz li kien qed jiġi pprovdut minħabba d-domanda dejjem tikber għall-ittestjar tal-ħamrija u tal-ilma tat-tisqija.

Il-biċċa l-kbira tal-kampjuni tal-ħamrija jiġu ttestjati minħabba l-obbligi tal-iskemi tal-Unjoni Ewropea, inkluża l-Miżura għall-Implimentazzjoni tal-Pjan għall-Immaniġġjar u l-Konservazzjoni tal-Ħamrija f’Parċella (AECM5/AECC%), li tinvolvi l-ittestjar tal-materja organika fil-ħamrija. Minbarra dan, it-testijiet jitwettqu wkoll biex jiġi ddeterminat l-NPK fil-ħamrija, u r-riżultati ta’ dawn jintużaw mill-bdiewa għall-applikazzjoni ta’ fertilizzanti, skont il-pjan għall-fertilizzanti. Dan il-pjan huwa obbligu legali maħsub biex jipprevjeni l-applikazzjoni żejda ta’ fertilizzanti, biex għaldaqstant l-ilma ta’ taħt l-art ikun protett mit-tniġġis ikkawżat min-nitrati minn sorsi agrikoli. Barra dan, talli prassi tajba tgħin lill-bdiewa biex b’mod adegwat jippjanaw u japplikaw il-fertilizzanti b’benefiċċji ekonomiċi.

Il-Laboratorju għas-Servizzi Agrikoli qed jinvesti b’mod kostanti f’tagħmir ġdid biex iżid il-kapaċità tal-ittestjar tiegħu u biex kontinwament jittejjeb is-servizz li qed jiġi pprovdut lill-komunità tal-biedja. Għaldaqstant, permezz ta’ dan il-laboratorju ristrutturat, il-Ministeru se jkompli jgħin lill-bdiewa jiffaċċjaw l-isfidi tal-produzzjoni sabiex jipproduċu prodotti ta’ kwalità, kif ukoll biex ikunu konformi mal-obbligi ambjentali.

Servizzi – Ittestjar tal-Ħamrija u tal-Ilma

Ittestjar tal-Ħamrija

It-testijiet tal-ħamrija li jitwettqu bħalissa fil-Laboratorju għas-Servizzi Agrikoli jinkludu:-

• pH
• Konduttività elettrika
• Sodju (li jinħall)
• Klorur (li jinħall)
• Nitroġenu Kjeldahl totali
• Nitrat-N
• Potassju (li jinħall)
• Fosforu, Olsen (disponibbli)
• Tira / Materja Niexfa
• Karbonju Organiku (Walkley u Black)
• Materja Organika (Telf mit-tqabbid bin-nar)

Ittestjar tal-Ilma

• pH
• Konduttività elettrika
• Sodju
• Klorur
• Nitrat-N
• Potassju
• Fosforu, Olsen (ortofosfat)

Trattament minn qabel tal-kampjuni tal-ħamrija qabel l-ittestjar