Il-Kategorizzazzjoni tal-Bdiewa u r‑Raħħala tistabbilixxi sistema uffiċjali li biha l-azjendi agrikoli jiġu kklassifikati skont il-livell tal-attività ekonomika tagħhom. Din is-sistema tintuża bħala għodda biex jinftiehem aħjar il-kontribut reali tal-azjendi agrikoli fis-settur u biex il-politiki u l-iskemi ta’ sostenn jiġu mfassla b’mod aktar immirat u trasparenti.
Il-kategorizzazzjoni hija bbażata fuq l-iStandard Output (SO) tal-azjenda, li jirrifletti l-valur medju tal-produzzjoni agrikola tagħha. Is-sistema tiddistingwi bejn azjendi mhux kummerċjali u azjendi kummerċjali, li dawn tal-aħħar jiġu kklassifikati f’diversi kategoriji skont il-kobor ekonomiku tagħhom.
Il-qafas regolatorju jipprevedi:
Azjendi mhux kummerċjali, li jiġġeneraw Standard Output ta’ anqas minn €4,000;
Azjendi kummerċjali, li huma azjendi bi Standard Output ta’ aktar minn €4,000.
Għall-parametri referenzjarji uffiċjali u t-tabelli tal-kategorizzazzjoni, ara l-Avviż tal-Gvern Nru. 896 tat-12 ta’Lulju 2024, ippubblikat fil-Gazzetta tal-Gvern ta’ Malta Nru. 21,284.
________________________________________
Jekk trid tkun taf il-kategorija tal-azjenda tiegħek, tista’ tagħmel dan billi tagħfas fuq il-ħolqa ta’ hawn taħt: AGĦFAS HAWN BIEX TKUN TAF IL-KATEGORIJA TIEGĦEK
Jekk m’għandekx e‑ID, ċempel fuq 2339 7777 u l-informazzjoni tintbagħatlek bil‑posta.
________________________________________
L-applikazzjonijiet għar-rikategorizzazzjoni skont is-sena bażi 2025 huma magħluqa. Skont ir-Regolament 4(4) tal-L.S. 639.10, il-bdiewa li jitolbu għar-rikategorizzazzjoni għandhom jipprovdu s-sottomissjonijiet kollha tagħhom sa mhux aktar tard minn Ġunju tal-istess sena. Għaldaqstant, il-perjodu għas-sottomissjoni tal-applikazzjonijiet għas-sena bażi 2025 għalaq fi tmiem Ġunju 2026.
Għal mistoqsijiet oħra jekk jogħgbok ċempel fuq: 23397777.