Il-Kategorizzazzjoni tal-Bdiewa u r‑Raħħala tistabbilixxi sistema uffiċjali li biha l-azjendi agrikoli jiġu kklassifikati skont il-livell tal-attività ekonomika tagħhom. Din is-sistema tintuża bħala għodda biex jinftiehem aħjar il-kontribut reali tal-azjendi agrikoli fis-settur u biex il-politiki u l-iskemi ta’ sostenn jiġu mfassla b’mod aktar immirat u trasparenti.
Il-kategorizzazzjoni hija bbażata fuq l-iStandard Output (SO) tal-azjenda, li jirrifletti l-valur medju tal-produzzjoni agrikola tagħha. Is-sistema tiddistingwi bejn azjendi mhux kummerċjali u azjendi kummerċjali, li dawn tal-aħħar jiġu kklassifikati f’diversi kategoriji skont il-kobor ekonomiku tagħhom.
Il-qafas regolatorju jipprevedi:
Azjendi mhux kummerċjali, li jiġġeneraw Standard Output ta’ anqas minn €4,000;
Azjendi kummerċjali, li huma azjendi bi Standard Output ta’ aktar minn €4,000.
________________________________________
Jekk trid tkun taf il-kategorija tal-azjenda tiegħek, tista’ tagħmel dan billi tagħfas fuq il-ħolqa ta’ hawn taħt: AGĦFAS HAWN BIEX TKUN TAF IL-KATEGORIJA TIEGĦEK
Jekk m’għandekx e‑ID, ċempel fuq 2339 7777 u l-informazzjoni tintbagħatlek bil‑posta.
________________________________________
Għall-għajnuna sabiex tappella l-kategorija skont is-sena bażi 2025, jekk jogħġbok niżżel il-formola tar-rikategorizzazjoni u agħmel kuntatt mal-AgriConnect fuq email: [email protected] jew ċempel fuq: 21804981 / 21804982 / 21804984
Meta l-formola tar-rikategorizzazjoni tkun mimlija, iffirmata u bid-dokumenti kollha meħtieġa preżenti, jistgħu jiġu milqugħa:
• il-One Stop Shop, Għammieri, Marsa jew permezz ta’
• email: [email protected] jew
• posta indirizzata lid-Direttur tal-Agrikoltura, Block E, Agriculture Research and Innovation Hub, Marsa.
Għal mistoqsijiet oħra jekk jogħgbok ċempel fuq: 23397777.