Il-Ministeru tal-Agrikoltura, Sajd u Drittijiet tal-annimali huwa kburi li jippreżenta AgriKonsulta, servizz ta’ konsulenza bl-għan li l-bdiewa Maltin jiksbu għodda, l-għarfien, u strateġiji meħtieġa biex jtejbu l-prattiki ta’ biedja sostenibbli u produttivi.

1. Fuq l-AgriKonsulta:

AgriKonsulta hija inizjattiva dinamika bl-għan li tipprovdi pariri minn espert u soluzzjonijiet prattiċi lill-bdiewa ta’ Malta, jgħinhom biex jaddotaw prattiċi agrikoli sostenibbli u jtejbu l-produttività. Bħala parti mill-impenn ta’ Malta lejn ħarsien sostenibbli tal-biedja fit-tul, AgriKonsulta huwa mgħejjun mill-Program tal-iŻvilupp Rurali (2014-2022) u parzjalment iffinanzjat mill-Unjoni Ewropeja.

Is-servizz joffri appoġġ apposta f’oqsma ewlenin bħall-ġestjoni integrata tal-pesti (IPM), użi aħjar tal-fertilizzanti u prattiki sostenibbli fit-trobbija tal-annimali. Permezz ta’ dawn l-aspetti, ewlenin, AgriKonsulta għandu l-għan li jnaqqas l-impatt ambjentali tal-prattika agrikolu, filwaqt li jassigura li l-bdiewa jkollhom l-għodod u l-għarfien li jeħtieġu biex jirnexxu f’pajsaġġ agrikolu li dejjem jinbidel. Il-programm AgriKonsulta jippermetti lill-bdiewa jadottaw prattiki li ma jagħmlux ħsara lill-ambjent li mhux biss jibbenefikaw fin-negozju tagħhom, iżda wkoll jipproteġu l-ambjent u jippromwovu l-bijodiversità.

• Ġestjoni Integrata tal-Ħsara (IPM): Is-servizz jenfasizza l-prinċipji tal-prevenzjoni, il-monitoraġġ u l-kontroll biex titnaqqas id-dipendenza eċċessiva fuq il-prodotti għall-protezzjoni tal-pjanti. Permezz ta’ dan il-mod, mhux biss nipproteġu l-bijodiversità iżda titjieb ukoll is-saħħa tal-ħamrija, il-kwalità tal-arja u tal-ilma. AgriKonsulta jgħammar lill-bdiewa b’għodod biex jidentifikaw u jimmaniġġjaw il-pesti b’mod effettiv filwaqt li jrawmu ekosistema aktar b’saħħitha.
• Użu Sostenibbli ta’ Fertilizzanti u Prattiki Agrikoli: Pjanijiet ta’ fertilizzanti personalizzati u pariri dwar prattiki agrikoli ġenerali jgħinu lill-bdiewa jagħmlu l-aħjar użu tar-riżorsi u jnaqqsu l-impatti ambjentali. Permezz ta’ analiżi tal-ħamrija u l-ilma, l-inizjattiva tappoġġja ppjanar aħjar tal-għelejjel u tnaqqas it-tifrix tan-nutrijenti fl-ekosistemi.
•Servizzi ta’ Konsulenza dwar ir-trobbija tal-Bhejjem: AgriKonsulta jippromwovi prattiki sostenibbli għat-trawwim tal-bhejjem li jtejbu l-benesseri tal-annimali, inaqqsu l-marki negattivi fuq ambjentali, u jappoġġaw l-ekonomiji rurali. Il-pariri huma mfassla biex itejbu l-effiċjenza fl-għalf, tnaqqis fl-emmissjonijiet tal-gassijiet b’effett ta’ serra (Greenhouse gases) u jiżguraw il-bijosigurtà għall-prevenzjoni tal-mard.

2. It-Tim ta’ AgriKonsulta

Din l-inizjattiva hija appoġjata miċ-Ċentru Nazzjonali tar-Riċerka u l-Innovazzjoni Agrikola (AgriHub), li jiġbor flimkien esperti fl-agrikoltura, ix-xjenza ambjentali, u l-ICT. AgriKonsulta jibbenefika minn għodod bħal mudelli ta’ tbassir tal-pesti, stazzjonijiet tat-temp agrometeoroloġiċi, u tim multidixxiplinarju ta’ agronomi lesti biex jassistu lill-bdiewa.

3. L-Irwol ta’ AgriKonsulta:

AgriKonsulta għandu rwol ewlieni fl-indirizzar tal-isfidi agrikoli ta’ Malta. Permezz ta’ tnaqqis tal-inputs ta’ ħsara, il-programm jgħin fil-protezzjoni tal-bijodiversità u jtejjeb ir-reżiljenza tas-settur agroalimentari. Huwa jagħti wkoll l-abbiltà lill-bdiewa biex jadattaw għat-tibdil fil-klima u jikkontribwixxu għal futur sostenibbli għall-agrikoltura f’Malta.
Is-servizz jitwassal minn tim dedikat ta’ agronomi u staff li jappoġjaw, imsaħħaħ minn diversi għodod avvanzati pereżempju mudelli ta’ tbassir tal-pesti u stazzjonijiet tat-temp agrometeoroloġiċi.
L-impatt li AgriKonsulta jħalli, jmur lil hinn mill-azjenda individwali. L-inizjattiva trawwem il-konservazzjoni ambjentali, tagħti spinta lill-għajxien rurali, u ssaħħaħ ir-reżiljenza tas-settur agrikolu għall-isfidi futuri. Billi tallinja mal-għanijiet ta’ sostenibbiltà tal-UE u dawk nazzjonali, tiggarantixxi benefiċċji fit-tul kemm għall-bdiewa kif ukoll għall-kumplament tal-komunità.
Il-bdiewa jistgħu jikkuntattjaw lil AgriKonsulta permezz tal-uffiċċini tal-AgriConnect jew mezzi uffiċjali oħra biex isiru jafu aktar dwar is-servizzi u kif jistgħu jipparteċipaw. Flimkien, nistgħu nibnu settur agrikolu sostenibbli, reżiljenti u b’saħħtu għal Malta.