Servizzi SEM

Id-Direttorat għas-Servizzi ta’ Riċerka u Konsulenza (RASD) jipprovdi gwida u appoġġ imfassal apposta biex jissaħħaħ, jiġi modernizzat u jsir aktar professjonali s-settur agrikolu f’Malta u Għawdex. Is-servizzi tagħna jingħataw primarjament permezz tal-uffiċċji ta’ AgriConnect madwar il-gżejjer, li jippermettu aċċess dirett għal assistenza konsultattiva u gwida speċifika għas-settur għall-bdiewa u l-partijiet interessati fl-agrikoltura.

RASD jipprovdi appoġġ speċjalizzat fuq l-ippjanar tan-negozju, l-iżvilupp strateġiku tal-irziezet, u l-identifikazzjoni ta’ opportunitajiet ta’ finanzjament, sabiex jiżgura li l-bdiewa jirċievu pariri infurmati sew u prattiċi li jsaħħu l-kompetittività fit-tul, l-innovazzjoni u s-sostenibbiltà fis-settur.

Appoġġ fuq “Business Plan Support for Young Farmers and Farm Systems Review”

Business Plan Support – Tingħata assistenza lill-bdiewa li qed iħejju pjan tan-negozju għall-appoġġ tal -iskema “Young Farmer” jew biex iwettqu “Farm Systems Reviews”. Il-bdiewa eliġibbli jistgħu jirċievu għotja ta’ €5,000 biex ikopru l-ispiża tal-preparazzjoni tal-pjan tan-negozju permezz ta’ konsulenti approvati.

Is-servizzi jinkludu:

• “Young Farmers scheme” – Sa €100,000 f’assistenza finanzjarja f’somma fissa li hija disponibbli biex tgħin liż-żgħażagħ bdiewa jistabbilixxu fis-settur tal-agrikoltura jew jieħdu f’idejhom l -intrapriża tal-familja, b’hekk jitnaqqsu l-ostakli għall-bidu u tiġi stimulata l-innovazzjoni.
• “Farm Systems Review”– Evalwazzjoni strateġika tal-operazzjonijiet tal-intrapriża agrikola, il-produttività, l-infrastruttura u l-finanzi, li tirriżulta f’rakkomandazzjonijiet ibbażati fuq data bil-għan li tittejjeb l-effiċjenza, is-sostenibbiltà u l-iżvilupp fit-tul.

Il-formoli tal-applikazzjoni u l-lista ta’ konsulenti approvati huma disponibbli fl-uffiċċji kollha ta’ AgriConnect, kif ukoll permezz tal-link uffiċjali provdut fuq il-paġna tal-web ta’ RASD li tinsab hawn

 Ir-rwol tar-RASD fir-rigward tas-Servizzi SEM

RASD jaġixxi bħala intermedjarju ta’ SEM f’Għawdex, u jservi bħala l-punt ta’ kuntatt bejn il-bdiewa u l-istrutturi ta’ appoġġ ta’ SEM. Dan jiżgura li l-bdiewa Għawdxin jibqgħu infurmati dwar sejħiet ta’ finanzjament disponibbli u li l-bżonnijiet tagħhom jiġu kkomunikati b’mod preċiż lil SEM.

Lista ta’ Konsulenti tinsab hawn