Merħba
Il-missjoni tad-Dipartiment tal-Affarijiet Rurali hija li jipprovdi servizzi ta’ kwalità kif ukoll appoġġ lill-komunità tal-biedja lokali, filwaqt li jippromwovi wkoll l-iżvilupp sostenibbli tal-agrikoltura f’Malta. Dan jista’ jitwettaq billi jkun hemm inkoraġġiment sabiex is-settur agrikolu jkun b’saħħtu u kompetittiv, li jirrispetta l-istandards ambjentali u ta’ produzzjoni waqt li jiżgura livell ta’ għajxien tajjeb għall-komunità agrikola.
Informazzjoni
L-applikazzjoni għall-Iskema Temporanja ta’ Sussidju għall-Istabilizzazzjoni tal-Prezzijiet (Miżura ta’ Emerġenza) għal importazzjoni ta’ qamħ intiż għall-produzzjoni tad-dqiq lokali kif ukoll dqiq intiżi għall-konsum uman; ċereali u materjal anċillari meħtieġ għal manifattura ta’ għalf għall-annimali kif ukoll għalf imħallat lest għal użu fis-settur tat-trobbija tal-bhejjem intiżi għas-suq lokali, tista’ titniżżel minn hawnhekk.
