Il-Produzzjoni Organika u t-Tikkettar ta' Prodotti Organiċi
Il-biedja organika hija forma sostenibbli ta’ agrikoltura li tfittex li tipprovdi lill-konsumatur b’ikel naturali frisk, b’togħma tajba u bnin filwaqt li jirrispetta s-sistemi taċ-ċiklu tal-ħajja naturali.
Il-mira tal-produzzjoni organika hija li jiġi prodott ikel billi jintużaw sustanzi u proċessi naturali li jagħmlu enfasi qawwija fuq il-protezzjoni ambjentali, il-benesseri tal-annimali fejn il-konsumaturi jkunu fiduċjużi fix-xiri tagħhom ta’ oġġetti li għandhom il-logo organiku tal-UE. Il-logo organiku jista’ jintuża biss fuq prodotti li ġew iċċertifikati bħala organiċi minn korp u/jew awtorità ta’ ċertifikazzjoni uffiċjali.
Il-Biedja Organika hija kkaratterizzata bin-newba tal-għelejjel, limiti stretti ħafna fuq pestiċidi sintetiċi kimiċi u l-użu ta’ fertilizzanti sintetiċi, antibijotiċi għall-bhejjem, addittivi fl-ikel u għajnuniet għall-ipproċessar, u projbizzjoni assoluta tal-użu ta’ organiżmi ġenetikament modifikati.
Livelli għoljin tal-benesseri tal-annimali huma obbligatorji, il-bhejjem jitrabbew f’sistemi bl-arja aperta fil-beraħ u jiġu pprovduti b’għalf organiku u fejn jintużaw prattiki ta’ trobbija tal-annimali xierqa skont l-ispeċi differenti tal-bhejjem.
Il-biedja organika tagħmel parti minn katina tal-provvista akbar, li tinkludi fiha l-ipproċessar tal-ikel, is-setturi tad-distribuzzjoni u tal-bejgħ u, fl-aħħar mill-aħħar, il-konsumatur. Għalhekk, kull darba li tixtri insalata organika mis-supermarket lokali tiegħek, jew tagħżel inbid organiku mill-menù fir-ristorant favorit tiegħek, tista’ tkun ċert(a) li dawn kien prodotti skont regoli stretti mmirati biex jirrispettaw l-ambjent u l-annimali.
Is-settur organiku huwa meqjus bħala pivotali għall-futur tal-biedja sabiex jiġu żgurati prattiki tal-biedja sostenibbli, ikel aktar bnin, sistemi tat-traċċabbiltà rikonoxxuti internazzjonalment kif ukoll jgħin biex jindirizza d-domandi tas-suq dejjem jiżdiedu biex b’dan il-produzzjoni organika saret parti ewlenija tal-objettivi tal-politika tal-Patt Ekoloġiku Ewropew.
Ir-Rwol Tagħna:
Ir-rwol tad-Direttorat tal-Agrikoltura huwa li jservi bħala l-Awtorità Kompetenti responsabbli għall-implimentazzjoni tar-regolamenti dwar il-produzzjoni organika u t-tikkettar u biex jistabbilixxi u jimplimenta qafas leġiżlattiv nazzjonali fejn jiżgura li l-operaturi li għandhom x’jaqsmu mal-prodotti organiċi huma ċċertifikati u jaderixxu mad-dispożizzjonijiet meħtieġa.
Għandu l-mira wkoll li:
• Jippromwovi u jżid is-sensibilizzazzjoni dwar il-biedja organika fil-Gżejjer Maltin.
• Jiżviluppa sistema ta’ agrikoltura sostenibbli li tista’ tiggarantixxi produzzjoni ta’ ikel adegwata fil-futur prevedibbli.
• Joħloq ambjent fejn il-biedja organika ssir fattibbli.
• Jikkomunika u jikkonforma mar-regolamenti tal-Kummissjoni Ewropea.
• Jinforma u jgħin lill-produtturi organiċi.
• Iwettaq kontrolli fuq il-post regolari permezz ta’ sorveljanza tas-suq.
• Iwettaq kontrolli ta’ awditjar fuq l-awtorità ta’ kontroll u l-korp ta’ kontroll.
• Jawtorizza l-importazzjoni ta’ prodotti organiċi minn pajjiżi terzi.
• Ikabbar għelejjel organiċi esperimentali fir-Razzett tal-Gvern.
• Iżomm data statistika kif meħtieġ u jibgħat tali informazzjoni rilevanti lill-Kummissjoni Ewropea.
Il-Logo Organiku tal-UE
Informazzjoni addizzjonali:
• Bażi Legali
• Applikazzjoni għaċ-Ċertifikazzjoni
• Tikkettar
• Katalgu ta’ Miżuri għal Malta
• Linji Gwida għall-Operaturi Kollha fil-Provvista tal-Ikel Organiku
• Assigurazzjoni għall-Konsumaturi u Korpi ta’ Kontroll tal-UE
• Database għal Malta ta’ Materjali Riproduttivi ta’ Pjanti Organiċi
• Sistema ta’ database għal Malta dwar id-disponibbiltà ta’ Materjali Riproduttivi ta’ Pjanti Organiċi, Annimali Organiċi u Frieħ ta’ Ħut tal-Akkwakultura Organiċi
• Lista ta’ Awtoritajiet Kompetenti f’Malta
• Lista ta’ operaturi ċertifikati skont ir-Regolament (UE) 2018/848
• Oriġini ta’ pjanti inkluż il-materjal riproduttiv tal-pjanti għall-produzzjoni organika
• Lista ta’ operaturi li huma eżentati miċ-ċertifikazzjoni organika f’Malta
Sessjonijiet ta’ Informazzjoni dwar il-Biedja Organika
• Preżentazzjoni tal-MCCAA dwar il-Biedja Organika
• Preżentazzjoni tad-Direttorat tal-Agrikoltura dwar il-Biedja Organika
Kuntatti:
Għal aktar tagħrif jekk jogħġbok ikkuntattja lid-Direttorat tal-Agrikoltura permezz ta’ emejl fuq
ikeltakwalita.mafa@gov.mt
- L-Iskema tal-Kwalità tal-Inbejjed DOK u IĠT
- Skema Nazzjonali għall-Prodotti ta' Kwalitá
- Prodotti Agri-Alimentari Tradizzjonali ta' Malta
- Assigurazzjoni għall-Konsumaturi u Korpi ta' Kontroll tal-UE
- Database għal Malta ta' Materjali Riproduttivi ta' Pjanti Organiċi
- Il-Produzzjoni Organika u t-Tikkettar ta' Prodotti Organiċi
